Nagpabiling hagit alang sa Technical Education and Skills Development Authority (TESDA) Region 9 ang certification rate sa mga mipailawom sa assessment nga mga Seniorhigh School Student sa Zamboanga Peninsula Region.
Matod ni TESDA 9 Acting Regional Director Engr. Allan Bacatan, dili niya intention nga ipakaubos ang partner agencies, apan usa sa challenge karon nga gi-atubang ang ubos nga certification rate sa mga kabataan nga napailawom sa assessment nga mga senior highschool.
Gisaysay ni RD Bacatan, anaa lang sa 70-80 percent ilang nakab-ot nga certification rate sa tibuok Zamboanga Peninsula nga layo pa sa ilang target nga 93.5 nga certification rate.
Pagpasabot ni RD Bacatan daghan ang posibleng hinungdan kon nganong ubos ang certification rate sa mga tinun-an ug usa na niana ang kakulang sa pasilidad, kakulang sa kagamitan ug ang kakulang sa kahanas sa mga magtutudlo nga mutudlo sa mga Seniorhighschool students.
Dungan niini, mas gipalig-on pa karon sa TESDA IX ang partnership tali sa DEPED IX aron mapalambo pa ang pagtudlo ug kahanas sa mga kabataang magtutungha sa senior highschool school sa tibuok Zamboanga Peninsula.
