Dakpan ang duha ka indibidwal sa gipahigayong implementasyon sa search warrant sa Barangay Poblacion, Kidapawan City, gabii niadtong nakalabay nga adlaw.
Nagmalampuson ang maong implementasyon pinaagi sa hiniusang pwersa sa Kidapawan City Police Station Drug Enforcement Unit kauban ang CPPO PIU, PDEA 12 Cotabato Provincial Office, 1st PMFC ug PDEU CPPO, nga miresulta sa pagkasikop kay alias Mic ug alyas Jo.
Narekober sa mga suspek ang 16 ka sachet sa gitouhang shabu, usa ka caliber .38 pistol ug mga buhing bala.
Sa karon, anaa na sa kustodiya ang mga dinakpan og moatubang sa kasong paglapas sa RA 9165 o Comprehensive Dangerous Drugs Act of 2002 ug RA 10591 o Comprehensive Firearms and Ammunition Regulation Act.
Photo Courtesy to: Kidapawan City Police Station
