Pormal nga gi-turn over sa Department of Energy (DOE) ang Solar-Assisted Electric Vehicle Charging Station (EVCS) ngadto sa Subic Bay Metropolitan Authority (SBMA) niadtong Lunes, Nobyembre 24 ning kasamtangan nga tuig.
Gipangunahan kini ni DOE Undersecretary Mario Marasigan ang paghatag, samtang si SBMA Deputy Administrator Engr. Marco Estabila gidawat ang programa. Diin ang proyekto, nga gimugna ubos sa Government Energy Management Program (GEMP), nagsilbi nga usa ka renewable energy source aron suportahan ang nagkalapad nga electric vehicle ecosystem sa nasud.
Tumong niini nga palapdan ang imprastraktura sa EV, pagpakunhod sa mga pagbuga sa greenhouse gas, ug pagdasig sa paggamit sa mga de-koryenteng sakyanan sa Subic Bay Freeport Zone.
Matod ni Energy Secretary Sharon Garin sa mensahe nga gipadangat ni Marasigan, ang proyekto usa ka pruweba sa partnership, innovation, ug pagduso ngadto sa low carbon ug energy-secure alang sa mas limpyo nga transportasyon sa Pilipinas.
Gipakita niini sa unsang paagi makab-ot sa gobyerno, industriya, ug komunidad pinaagi sa pagtinabangay padulong sa mas limpyo, malungtarong transportasyon para sa katawhang Pilipino.
Photo Courtesy to:DOE
