Anaa pa sa intensive care unit sa Thailand, si Miss Jamaica Gabrielle Henry human nahulog gikan sa stage sa Miss Universe 2025 preliminaries niadtong Nobyembre 19, 2025.
Kini human nga natumba siya samtang naglakaw sa runway nga sul-ob ang orange nga gown ug high heels sa evening gown competition.
Gihatod dayon siya sa tambalanan, partikular sa ICU alang sa intensive treatment. Matod pa sa iyang igsoon nga si Dr. Phylicia Henry-Samuels, dili pa maayo ang iyang kahimtang.
Gimandoan siya sa mga doktor nga magpabilin sa ICU, labing menos pito ka adlaw alang sa padayon nga pag-obserbar. Naa siya sa Thailand kauban ang iyang igsoon ug inahan nga naghatag og suporta.
Ang Miss Universe Jamaica Organization, nanawagan alang sa pag-ampo alang kang Gabrielle. Nipadayag usab ang daghang mga pageant fans sa ilang suporta ug kabalaka sa kahimtang ni Henry, nga nakahatag og shockwaves sa Miss Universe community.
Photo Courtesy to: Philstar life
