Nagpabilin ang pagsalig sa daghang mga negosyante sa nasud nga modaghan pa usab gihapon ang ilang mabaligya karong kapaskuhan.
Bisan pa man nga nag-atubang ang nasud sa mga isyu ug alegasyon sa korapsyon, naglaom gihapon sila sa kusog nga halin .
Sumala ni Philippine Retailers Association (PRA) chairman Roberto Claudio, tradisyonal na gyud sa Pilipinas nga modaghan ang mamalitay sa lain-laing establishimento panahon sa holiday season.
Apil na niini ang pagtaas sa mga padala gikan sa Overseas Filipino Workers (OFW). Tungod niini, ilang gipasiguro nga andam ang mga negosyante sa gilauman nga pagsaka sa mamalitay, bisan pa man sa physical store o online stores.
Photo courtesy to: thebusinessmanual-onemega.com
