Naugdaw ang usa ka panimalay sa Purok 15, Barangay San Vicente, Makilala, Cotabato, human kining gilamoy sa kalayo, buntag niadtong adlawng Biyernes Nobyembre 21, 2025.
Sumala pa ni FO3 Kmyr-J Cruz ang Chief Investigator sa Bureau of Fire Protection Makilala, gipanag-iyahan sa pamilya ni Roel Awitan ang maong panimalay. Gama matod pa sa light materials ang balay hinungdan nga dali kining gilamoy sa kalayo.
Dugang pa, walay tawo sa maong panimalay dihang nahitabo ang insidente tungod anaa ang magpamilya sa Davao City aron sa pag-selebrar sa birthday sa ilang kabanay. Anaa sa gibana-bana nga Php150,000.00 ang damyos sa maong sunog.
Sa karon, padayon pa ang ginahimong imbestigasyon sa Bureau of Fire Protection Makilala, may kalabutan sa nahisgutang insidente.
