Arestado ang 3 ka lalaki sa gipahigayong Law Enforcement Operation sa mga personahe sa Kabasalan Municipal Police Station sa Purok 1, Barangay Dipala, Kabasalan, Zamboanga Sibugay niadtong nakalabay nga adlaw.
Naila ang mga dinakpang residente sa Barangay Giwala Malangas Zamboanga Sibugay kinsa naaktuhang nagsugal sa dulang Tong –its.
Nakumpiska gikan sa mga dinakpan ang Php 1,005.00 nga giagamit isip Bet Money sa nagkadaiyang denomination ug usa ka playing cards.
Gipahibalo ang mga dinakpan sa ilang katungod sa pinulongan nga ilang masabtan og pagkahuman gidala sa Kabasalan MPS alang sa paghikay sa iyang multa sa Php 1,500.00 og dayong gibuy-an.
