Gi-anunsyo ni Sam Milby nga nasuta sa iyang general checkup sa Singapore nga siya adunay Type 1.5 diabetes, usa ka matang sa sakit nga sagol sa Type 1 ug Type 2 diabetes.
Sumala sa Kapamilya singer-actor, una siyang nadayagnos nga adunay Type 2 diabetes, apan sa kadugayan, nagpakita kini og sintomas nga mas duol sa Type 1 o Latent Autoimmune Diabetes in Adults (LADA).
Giangkon ni Sam nga ang iyang pancreas dili na makaproduce og igo nga insulin, hinungdan nga magsugod siya sa pagkuha og insulin shots.
Matod pa sa aktor, usa ka fan ang nagduda sa una niyang diagnosis ug giingnan siyang magpakonsulta sa endocrinologist, nga maoy nagmatuod sa iyang karon nga kondisyon.
Bisan pa man sa maong resulta, nagpabiling positibo si Sam ug nagpasalamat sa suporta sa iyang mga fans.
Photo Courtesy: Sam Milby
