Moabot sa 249% ang congestion rate sa mga Persons Deprived of Liberty (PDL) sa siyam ka BJMP facility sa tibuok rehiyon sa Zamboanga Peninsula. Kini ang gibutyag ni JSUPT Mashur Sala – Regional Chief of Directorial Staff sa Bureau of Jail Management and Penology kon BJMP-9, atol sa kapihan sa Rehiyon Nueve sa PIA.
Sa 20 ka mga Jail Facilities nga ilang ginabantayan, nanguna nga adunay taas nga congestion rate mao Zamboanga City Jail female dorm, Ipil male and female dorm, Isabela city jail, Dipolog, Dapitan ug Imelda.
Segon sa opisyal nga adunay duha ka approach ilang gitutukan aron mapaubos ang congestion rate, una niini mao ang pagpadali sa mga hearing sa kaso ngadto sa korte.
Ikaduha nga approach nga ilang tutukan mao pagpadali sa pagtukod ug dugang building sa mga Jail facility aron dili na mutaas pa ang congestion rate.
Apan giklaro ni JSUPT Sala ang maong approach mag-agad matod pa sa budget gikan sa National Government, ingon man sa korte nga naghawid sa mga kaso sa inmates.
