Nagplano og Memorandum Circular ang DILG pinaagi ni Secretary Jonvic Remulla nga nagmando sa tanang gobernador, mayor, ug ubang local government officials sa pagsuspenso sa bisan unsang foreign travel, ma-personal man o official nga lakaw gikan sa Nobiyembre 9 ngadto sa 15 karong tuiga.
Sa interview sa Juander Radyo News Team kang DILG Zamboanga Del Sur Provincial Director Dave Barrot, giklaro niini ang maong kamanduan alang sa tanang elected ug appointed government officials ug employees lukop sa nasud.
Segun ni PD Barrot, ang maong travel suspension kabahin kini sa inisyatiba sa gobyerno aron pagsiguro nga dili mabalda ang public service, pagpalig-on sa disaster response operations, ug pagprotehir sa kaluwasan sa katawhan taliwa sa epekto sa Bagyong Tino ug Uwan.
Gisiguro sa opisyal nga tanang travel authority nga pangayoon sa mga opisyal nga buot molarga abroad nga moagi sa DILG ikanselar.
Ang maong kamanduan sa DILG tumong aron masiguro ang presensya sa matag opisyal sa goberno sa tagsa-tagsa ka mga lugar alang sa pagdayong pag-assess sa kalamidad og masiguro ang pagtubag sa mga recovery operation.
Photo Courtesy to:DILG Region 9
