Mitunol ug mga importanteng construction materials ang mga personahe sa Bureau of Fire Protection Caraga ngadto sa Local Government Unit (LGU) sa Caraga, Davao Oriental, diin kini isip kabahin sa nagpadayong post-recovery ug rehabilitation efforts sa BFP.
Mokabat sa kinatibuk-an nga 200 G.I. corrugated sheets ang gitugyan ngadto sa lokal nga panggamhanan sa Caraga diin kini nagtumong aron suportahan ang mga pamilya kansang mga balay nga naguba tungod sa linog.
Ang maong mga materyales makatabang sa padayon nga paningkamot sa munisipyo sa pagtukod pag-usab ug panimalay ug pagpahiuli sa mga apektadong komunidad, pagsiguro nga ang mga residente makabalik sa mas luwas ug hapsay nga kinabuhi.
Ang maong inisyatiba nagpakita sa suporta sa mga lugar nga naapektuhan sa kalamidad ug pakigtambayayong sa mga lokal nga gobyerno sa pagtukod pag-usab sa mga kinabuhi ug pagpalig-on sa kalig-on sa komunidad.
