Naglunsad sa libre nga public Wi-Fi service ang Department of Information and Communications Technology (DICT) uban sa Lokal nga panggamhanan sa Bislig City sa nagkadaiyang lugar sa syudad.
Ang mga site nga adunay libre nga koneksyon sa internet mao ang Bislig City Hall, Bislig City Cultural and Sports Center, TESDA Building, Bislig Baywalk, Mangagoy South Elementary School, Bislig City District SPED Center, ug Bislig City Health Office sa Mangagoy.
Ang maong inisyatibo kabahin sa DICT Free Wi-Fi for All Program, nga nagtinguha nga mahatagan og internet access ang mga pampublikong opisina, tunghaan, health centers, ug public spaces.
Pinaagi sa proyekto, mas mapadali ang pagtuon, negosyo, komunikasyon, ug pag-access sa serbisyo publiko alang sa mga Bisliganon.
Photo courtesy: LGUBISLIG
