Gipahinumdoman sa Department of Tourism (DOT) ang mga hotel, restaurant, ug uban pang mga establishment nga dili magpahimulos taliwala sa mga kalamidad sa nasud.
Kini nahitabo human nakadawat ang ahensya og mga reklamo bahin sa matod pa sobra nga presyo (overpricing) ug dili makiangayon nga mga gawi (practices) nga naka-apekto sa mga traveler ug mga trabahante sa turismo.
Sa advisory nga gipagula sa ahensya adlawng sabado, hugot nga gipahimangnoan sa departamento ang mga accredited establishment nga dili magpatuman og dili makatarunganon nga pagtaas sa presyo alang sa accommodation, restaurant services, o uban pang mga tanyag nga may kalabutan sa turismo.
Giawhag usab sa ahensya ang tanang tourism enterprises nga i-adapt ang patas ug flexible nga mga polisiya alang sa pagkansela sa bookings ug rebookings labi na sa mga bisita (guests) nga naapektuhan sa nakansela nga mga biyahe tungod sa kalamidad.
Gipasiugda pa sa ahensya nga ang overpricing o pagdumili sa serbisyo sa ingon niini nga mga higayon supak sa diwa sa hospitality sa mga Pilipino o mainitong pagdawat sa mga bisita.
Photo courtesy: Bilyonaryo
