Nagpagawas ang Malacañang og Executive Order (EO) No. 105 nga palalawigon ang 15% taripa sa imported nga bigas hangtod Disyembre 31, 2025. Uban niini, gitukod ang Inter-Agency Group on Rice Tariff Adjustment (IAG-RTA) aron subayon ug ayuson ang taripa sa bigas base sa galaw sa presyo sa global market.
Ang EO, nga gipirmahan ni Pangulo Ferdinand Marcos Jr., naglatid nga magsugod sa Enero 1, 2026, adunay bag-ong mekanismo sa pag-adjust sa taripa depende sa pagtaas o pag-ubos sa presyo sa bigas sa pandaigdigang merkado. Ang taripa mahimong 15% hangtod 35%.
Sa ilawom sa EO, ang Most Favored Nation (MFN) rates of duty, pareho sa in-quota ug out-quota, nga gitakda sa EO No. 62, magpabilin sa 15% hangtod Disyembre 31, 2025.
Magsugod sa Enero 2026, taas og 5% ang taripa kada 5% nga pag-ubos sa presyo sa bugas sa global market, ug mubaba og 5% kada 5% nga pagtaas sa presyo, apan dili molapas sa 35% o molabaw sa 15% ang taripa.
Photo Courtesy to:Business World Online
