Gipahigayon sa Barangay Asbang, Matanao, Davao del Sur ang ika-44 nga Scout Jamboree nga gipasiugdahan sa Boy Scouts of the Philippines, Davao del Sur Occidental Council.
Matod ni Rezeile Anthony Dunga, Overall Jamboree Coordinator, nga gipahigayon ang nagkadaiyang kalihokan sama sa arnis competition ug uban pang kalingawan nga makatabang sa pagpalambo sa disiplina, teamwork, ug liderato sa mga kabataan.
Ang maong jamboree nagtinguha sa pagpalig-on sa espiritu sa pagka-boy scout ug pagdasig sa aktibong partisipasyon sa mga kabataan sa probinsya.
Usa kini ka dakong kalihokan nga nagpakita sa tinabangay ug pagkahiusa sa mga kabatan-onan aron mapatibay ang ilang abilidad ug kaisog isip mga kabataang lider sa umaabot nga henerasyon.
SOURCE: MATANAO TOURISM
