Nanawagan ang Department of Finance (DOF) og pagpahugot sa mga regulasyon aron maprotektahan ang mga Pilipino gikan sa mga abusadong online lending companies.
Matod ni Finance Secretary Ralph Recto, nakaabot sa iyang opisina ang daghang reklamo batok sa mga online lenders nga nagpasingil og taas kaayo nga interest nga nagpaunlod sa mga tawo sa utang.
Dugang pa niya, importante nga pahugtan ang pagdumala sa mga online lenders aron maprotektahan ang publiko tungod sa kaylap nga pagdaghan niini.
Mahinumduman nga niadtong Setyembre pa lang, 300 na ka kaso ang gipasaka sa Presidential Anti-Organized Crime Commission (PAOCC) batok sa nagkalain-laing online lending applications.
Photo courtesy: Department of Finance
