Nagtuo ang Bangko Sentral ng Pilipinas (BSP) nga ang pagkasentro sa ekonomiya sa nasud sa lokal nga merkado maoy proteksyon batok sa kalibutanong paghinay sa ekonomiya.
Sumala ni BSP Deputy Governor Zeno Ronald Abenoja atol sa usa ka webinar,hugot nga gibantayan sa BSP ang mga kalibutanong panghitabo, lakip na ang mga kausaban sa trade policy sa Estados Unidos.
Gipasabot niya nga mas nakapunting ang Pilipinas sa lokal nga ekonomiya kung itandi sa ubang mga nasud, diin ang kinatibuk-ang kantidad sa exports ug imports kay ubos pa sa 50% sa tibuok ekonomiya.
Dugang pa niya, daghan usab og kauban ang Pilipinas sa trade, busa limitado ra ang epekto sa kalibutanong paghinay.
Nunot niini gisugyot ni Abenoja ang pagpangusog sa trade facilitation, regulatory harmonization, information sharing, ug mas lawom nga pagsabot sa mga ekonomiya sa matag nasud aron mapalig-on pa ang trade sa rehiyon.
Photo courtesy to : Panaynews.net
