Gipasabot sa usa ka bag-ong kalihokan sa mga eksperto nga ang gituhoang double taxation alang sa mga Filipino-American, ilabina sa mga dual citizens, usa ka sayop nga pagtuo.
Matod sa mga opisyal sa Department of Finance, aduna nay kasabutan sa buhis tali sa Pilipinas ug Estados Unidos sukad pa sa 1976, aron malikayan ang duha ka beses nga pagbayad sa buhis sa parehas nga kita.
Gipatin-aw usab nga ang mga Pilipinong nagtrabaho o nakakuha ug kita sa gawas dili obligadong magbayad og buhis dinhi sa Pilipinas. Ang kalihokan nagpunting sa pag-alsa sa kasaligan sa mga investor ug OFWs pinaagi sa mga reporma sama sa CREATE MORE Act nga naglatid sa electronic VAT refund system ug mga programa aron mapadali ang pagnegosyo.
Gibutyag usab ang paningkamot sa DOF sa pakig-alayon sa OECD ug ubang internasyonal nga organisasyon aron mapalig-on ang transparency ug pagsaway sa korapsyon.
Pinaagi sa ACG 2025 International Tax & Investment Roadshow nga ipahigayon sa San Francisco, Los Angeles ug Ottawa, gidasig ang mga Filipino abroad nga makigbahin sa usa ka tinguha ang pagtukod sa usa ka mas patas, malinawon, ug masaligan nga sistema sa pinansyal ug pamalaod sa Pilipinas.
SOURCE: ABS CBN NETWORK
