Nagpadayon ang Department of Environment and Natural Resources (DENR) 12 pinaagi sa Water Resources Management Office (WRMO) sa usa ka inisyatiba sa pag-instalar sa mga water filtration system sa kasamtangan nga Small Water Impounding Structures (SWIS) sa Barangay Lamdalag, Lake Sebu, South Cotabato ug Barangay Binoongan, Arakan.
Diin ang ₱800,000 nga proyekto nagtumong sa paghatag sa duol nga mga komunidad og access sa luwas ug limpyo nga tubig imnonon.
Diin ang mga kawani sa teknikal bag-o lang mibisita sa mga site aron makita ang yuta nga tukoran ug pagtapos sa Memorandum of Agreement (MOA) uban sa mga lokal nga gobyerno.
Ang maong draft MOA gipresentar kini ngadto sa barangay local government unit sa Lamdalag ug Binoongan, nga naglangkob sa mga termino ug kondisyon, site identification, ug mga kinahanglanon alang sa binuwan nga koleksyon sa kita aron mapadayon ang nasampit nga proyekto.
Photo Courtesy to:DENR-12
