Naglunsad og Anti-Fake News Consultative Forum ang Davao de Oro Police Provincial Office sa ilang headquarters sa Nabunturan, Davao de Oro kagahapong adlawa.
Gitambongan kini sa mga kapulisan, mga representante sa media, ug mga lider sa komunidad aron hisgutan ang problema sa pagkatag sa fake news o mga bakak nga impormasyon. Gihisgutan sa forum ang importansya sa media literacy, responsable nga pagpaambit sa impormasyon, ug pag-ila sa tinuod batok sa bakak nga balita.
Apil na ang paagi kung giunsa paglikay sa pagpanglimbong sa impormasyon ug ang papel sa tanang sektor aron masiguro nga tinuod ug tukma ang maabot sa publiko.
Pinaagi sa maong kalihukan, gipakita sa Davao de Oro Police ang ilang pagpaningkamot nga mapadayon ang transparency, accountability, ug pakigtambayayong sa komunidad alang sa pagpalapad sa matuod nga impormasyon ug pagbuhat og masinabtanong nga katawhan.
Photo Courtesy to:DOPPO
