Napalgan na ang patayng lawas sa usa ka Lalaki nga naglutaw human kini nasayran nga nalumos sa Lantawan Eco Park, Kitcharao, Agusan del Norte, kagahapon, Nobembre 5, 2025.
Sa impormasyon sa Kitcharao Fire Station mitabang sa pagpangita sa usa ka insidente nga nalumos ang biktima nga natala niadtong Nobyembre 2, 2025, sa nasangpit nga lugar.
Pinaagi sa koordinasyon sa BFP Kitcharao tali na sa Municipal Disaster Risk Reduction Management Office-MDRRMO Kitcharao, LGU- Kitcharao, Kitcharao Municipal Police Station, ug sa Coast Guard Sub-Station Jabonga aron magpahigayon sa search and rescue operation.
Subay usab sa paghapak sa Tropical Cyclone Tino, naningkamot ang mga ahensya sa pagpahigayon sa retrieval operation hinungdan nga napalgan ang biktima. Didto na nakit-an ang patay’ng lawas sa biktima sa baybayon sa Sitio Anibongan, Kitharao, Agusan del Norte.
Nagpahimangno ang BFP sa publiko nga likayan nga maligo sa dagat nga walay kauban, labi na kung adunay kusog nga balod ug dili maayo nga panahon.
Photo Courtesy to:BFP Kitcharao
