Gidepensahan sa Department of Agriculture (DA) ang rice Tarrification Law. Sumala ni Agriculture Secretary Francisco Tiu Laurel Jr., bisan pa man og daghan ang wala miuyon alang sa pag-amyenda niini, dili kini maisip nga hingpit nga kapakyasan.
Wala siyay gibasol kay kini ang husto nga buhaton sa panahon nga kini gipatuman niadtong Marso 2019. Bisan pa, sukad niadto, ang Rice Industry sa nasud nakaagi og mga pagbag-o busa importante ang pag-amyenda.
Dugang niya nga ang kalit nga pagsaka sa presyo sa kalibutanong merkado nakaapekto sa presyo sa lokal rice. Karong tuiga, ang mga import miabot sa 4.5 milyon metriko tonelada kung dili pa tungod sa import ban nga ipatuman hangtod sa katapusan sa 2026.
Photo Courtesy to:Science meets food
