Zero Casualty ug Minimal ang damage atol sa paghapak sa Bagyong Tino kini ang giluwatan sa City Disaster Risk Reduction and Management Council (CDRRMC) sa Surigao City.
Sa pakighinabi sa Juander Radyo Surigao News Team kang Trelcie Villaces, Head sa City Disaster Risk Reduction and Management Council -CDRRMO sa Command Center, iyang gikumpirma nga walay naitalang casualty atol sa Bagyong Tino.
Subsob ang ilang paghakot sa mga evacuees aron dad-on sa luwas nga lugar ug mga evacuation center. Mokabat sa dul-an 2,000 ka mga bakwit ang gipanghatod sa mga evacuation center sa 54 ka Barangay lakip na Barangay Island.
Dugang ni Villaces nga adunay mga ginagmay nga damage mga punoan sa kahoy nga natuma ug mga sanga dala sa hangin ug ulan nga nasinati. Sa pagkakaron balik na sa normal ang sitwasyon human sa maong bagyo.
