Gipakusgan karon ang mga kalihukan alang sa pagpanalipod sa mga kabataan pinaagi sa pagpahigayon ug mga symposium subay sa pagselebrar sa National Children’s Month karong tuiga.
Tumong sa maong kalihukan ang pagpasabot sa katawhan sa kahinungdanon sa pagpanalipod sa mga bata batok sa dautang impluwensya ug kalihokan sa palibot.
Sumala ni Eliza Mie Q. Rivera, Social Welfare Officer I sa Provincial Social Welfare and Development Office (PSWDO) sa Davao de Oro, daghan silang gipangandaman nga mga programa aron mapalig-on ang papel sa mga ginikanan sa pag-atiman ug pagpanalipod sa ilang mga anak.
Dugang pa ni Rivera, ipahigayon usab ang students’ symposium dili lamang alang sa mga ginikanan apan usab para sa mga kabatan-on. Katuyuan niini ang pagpahibalo kanila sa importansya sa paglikay sa sobra nga paggamit sa social media ug sa mga posibleng kadaot nga resulta niini.
Ang maong programa usa lamang sa daghang inisyatibo sa Lalawigan sa Davao de Oro aron masiguro nga ang mga kabataan magpuyo sa usa ka luwas nga komunidad.
Photo Courtesy to:Instagram
