Gipadayag ni Anthony Ian Quilates-Operation Team Leader gikan sa Iligan City Disaster Risk Reduction and Management Office (ICDRRMO) nga kanunay’ng andam ang ilang buhatan sa bisan unsang insidente, kalamidad, o wala laumi nga panghitabo sa syudad.
Matod pa ni Quilates, kompleto ang buhatan sa mga ekipo nga magamit sa operasyon ug padayon usab ang ilang capacity building aron mapalambo ang kahibalo ug kahanas sa matag operatiba sa pagresponde sa emergency.
Gipasabot usab sa opisyal nga ang kahanas sa usa ka responder mahimong kawang kung kulang sa ekipo, busa ilaha kining gihatagan ug dakong pagtagad.
Pinaagi usab sa suporta sa lokal nga panggamhanan, naglaum ang ICDRRMO nga mapadayon ang pag-upgrade sa mga gamit ug pasilidad aron mas epektibo pa ang ilang operasyon ug serbisyo sa katawhan.
