Naghatag og maayong balita si Ate Gay alang sa iyang mga fans ug supporters may kalabotan sa iyang pag-ayo gikan sa cancer.
Sa usa ka Facebook post niadtong Martes, gipahibalo sa komedyante nga siya “graduate na sa chemotherapy” ug mopailawom na lamang sa 15 ka adlaw nga radiation ug immune therapy nga 12 sessions matag 21 ka adlaw.
Gisaysay ni Ate Gay sa programa nga “Kapuso Mo, Jessica Soho” nga siya adunay Stage 4 cancer, apan tungod sa tabang ug suporta sa katawhan, nakapadayon siya sa tambal ug nakadawat pa gani og kapuy-an duol sa ospital.
Human sa pipila ka adlaw sa radiation, iyang gipahibalo nga nikunhod na ang bukol sa iyang liog usa ka timaan sa paglambo sa iyang pag-ayo.
Photo courtesy: Ate Gay Facebook
