Patay ang unom (6) ka mga miyembro sa Philippine Air Force nga padulong unta sa operasyon sa pagluwas sa mga biktima sa Bagyong Tino, human mahagsa ang ilang gisakyang Super Huey helicopter pasado alas-12:00 sa udto kagahapong adlawa, Nobyembre 4, 2025.
Sumala sa inisyal nga impormasyon, sakay sa maong helicopter ang duha ka piloto ug upat ka mga aircrew nga maghatud unta og Humanitarian Assistance.
Ang insidente nahitabo samtang padulong sila sa usa ka lugar nga apektado sa kalamidad aron maghatod og tabang ug magpatuman og rescue operation. Hangtud karon, padayon ang imbestigasyon sa hinungdan sa pagkahagsa sa maong helicopter.
PHOTO COURTESY TO:SARGEMANANAYAW
