Gibutyag ni Holden Ian Loking, Volunteer Program Coordinator sa Congressional Office, sa Lone District of Iligan nga si Congressman Regencia maoy usa sa principal author sa Landmark Education Reform Measure nga napasar na sa ikatulong pagbasa sa kongreso.
Tungod niini, nagpadayag sa ilang dakong kalipay ug pagpasalamat ang mga residente sa dakbayan sa maong inisyatiba.
Gidugang pa ni Loking nga aduna pa’y laing balaod nga gipasa ang kongresista nga mao ang House Bill No. 4744 o ang Private Basic Education Voucher Program Assistance Act.
Sumala pa niya, mahinungdanon kaayo ang maong balaod tungod kay nagtinguha kini nga palapdan ug ma-institutionalize ang national voucher assistance program alang sa mga pribadong batakang edukasyon, ilabi na sa kindergarten ug elementary level alang sa mga kwalipikadong estudyante.
Gidugang pa nga ang maong programa, usa ka dakong tabang sa mga ginikanan ug mga estudyante nga gustong makapadayon sa kalidad nga edukasyon bisan sa pribadong eskwelahan.
Photo Courtesy to:PNA
