Patay ang duha ka Security Guard human gipusil sa wala mailhing mga kalalakihan sulod sa buhatan sa Bureau of Internal Revenue (BIR) Ipil, Zamboanga Sibugay karong adlawa Nobyembre 4, 2025.
Naila ang mga biktimang si Arcads Muharal nga taga Linguisan Tungawan ug si Dante Jaime residente sa Naga, Zamboanga Sibugay.
Sumala sa Otoridad, nakaangkon og igo pinusilan si Jaime sa iyang ulo nga bahin, samtang si Muharal adunay daghang pinusilan sa lawas nga maoy hinungdan sa ilang hinanaling kamatayon.
Walay nakuhang kopya s CCTV footage tungod matod pa gidala sa mga suspek ang harddrive sa maong kamera.
Sa pagkakaron padayon pa ang imbestigasyon sa SOCO aron masayran kung unsa ang hinungdan og motibo sa ngilngig nga kamatayon sa maong mga gwardya.
