Nasikop sa kapulisan sa Naga Municipal Police Station ang usa ka lalaki nga bag-ong nailhan nga Street-Level Individual kon (SLI) sa gipahigayon nga Drug Buy-Bust Operation sa Naga, Zamboanga Sibugay sa alas 12:10 sa kaadlawon,niadtong nakalabay nga adlaw.
Ang operasyon gipangulohan ni Police Captain Baltazar A. Pundal Jr., Officer-in-Charge sa Naga MPS, pinaagi sa Station Drug Enforcement Team (SDET)diin naila ang dinakpan nga 41 anyos, lalaki, ug residente sa Naga, Zamboanga Sibugay.
Diin nakuha sa operasyon ang mga ebidensiya nga naglakip sa tulo (3) ka gagmay nga heat-sealed transparent plastic sachet nga gituohang shabu, nga may timbang nga usa (1) ka gramo ug mobalor sa ₱6,800. lakip ang (1) ka ₱500 nga bill nga gigamit isip buy-bust money nga adunay serial number BU180454, ug usa (1) ka itom nga pouch.
Gidala ang dinakpan sa Naga MPS alang sa hustong disposasyon, samtang ang nakumpiskang droga ipadala sa Zamboanga Sibugay Forensic Unit para sa laboratory examination.
Gipasidunggan sa kapulisan ang ilang kooperasyon ug padayon nga kampanya batok sa iligal nga droga sa probinsiya.
Photo Courtesy to:Naga Municipal Police Station
