Na custodia ya del otoridad el 6 individual despues precura hace entra maga contrabando na ciudad de zamboanga del noviembre 02 en este presente año.
El operacion ya bene despues conduci seaborne patrol el maga otoridad na vicinidad del manalipa island en este ciudad donde exito ya puede man intercept con un Jung-kung que tiene marca “Ruquifa 2” cargao de maga alegao contrabando que nohay puede presenta propio documento.
El mencionao jung-kung cargao de maga clase-clase brand de alegao smuggled sigarilyo que tiene mas o menos valor php14,840.000.00
Mientrastanto el maga alegao contrabando ya man turn-over ya na buru de aduana para el propio documentacion mientras el 6 tripulante na custodia ya del police station 4 culianan y esperansao hay enfrenta el propio caso na corte.
