Gipadayag sa aktres ug businesswoman nga si KC Concepcion nga andam na siya nga mosulod sa kaminyoon ug makigpuyo sa usa ka “provider man” nga partner.
Sa usa ka eksklusibong interbyu sa programa nga “Fast Talk with Boy Abunda” niadtong Oktubre 29, miingon si KC nga gusto na niya ang kinabuhi isip asawa ug makab-ot ang matang sa gugma nga matinuoron ug lig-on.
Sa maong interbyu, gipangutana siya ni Boy Abunda kung andam na ba siyang mahimong misis, diin walay pagduha-duha nga tubag ni KC, “Yes na yes with Mr. Right!”.
Gipasabot usab niya nga sa iyang edad ug kahimtang karon, nakasabot na siya unsay klase sa relasyon ug partner nga iyang gipangita.
Dugang pa sa aktres, nga anak nila Sharon Cuneta ug Gabby Concepcion, nga mas gipili na karon niya ang kalinaw ug respeto kaysa kasikat ug glamor sa showbiz.
Iyang giangkon nga nakakat-on siya nga higugmaon ang kaugalingon aron mas andam siyang manginlab sa hustong panahon.
Ang pahayag ni KC Concepcion nakadawat og positibong reaksyon gikan sa mga fans nga nalipay nga makita siyang mas kalma, mas buotan, ug mas andam sa bag-ong yugto sa iyang kinabuhi.
Photo Courtesy to:KC Concepcion FB page
