Girekomenda sa Department of Agriculture kang Pangulong Ferdinand Marcos Jr. ang paglugway sa temporary ban sa pag-import sa bugas hangtud sa katapusan sa 2025.
Gipatuman ang import restriction tungod sa mi-ubos nga presyo sa humay na nakaapekto sa lokal na magsasaka. Matod sa DA, ang import ban nagpataas sa presyo apan wala pa gihapon nakabawi ang mga mag-uuma.
Tungod niini, mihangyo si Agriculture Secretary Francisco Tiu Laurel Jr. og extension sa import ban og dugang 30 hangtud 60 days.
Gipasabot ni Tiu Laurel nga ang extension magdala sa mas lawom nga ebalwasyon sa epekto sa polisiya sa farmgate and retail markets aron padayo nga maproteksyon ang local nga mag-uuma gikan sa downward price pressures gumikan sa mas baratong mga imports.
Matod ni Tiu Laurel Jr., ang presyo sa humay sa mga probinsya sama sa Isabela ug Nueva Ecija misaka na hangtod Php13-14 kada kilo gikan sa pinaka-ubos nga Php8 sa ubang lugar sa wala pa napatuman ang import freeze.
Photo Courtesy to:Rice news today
