Gipakusgan sa mga personahe sa Coast Guard Station Davao Oriental ang ilang maritime patrol operations sa kasikbit nga kadagatan sa probinsya, kini subay sa pag-obserbar alang sa Oplan Byaheng Ayos: Undas 2025 niadtong Nobyembre 1, 2025.
Gawas sa ilang pagmonitor sa kadagatan, sila usab nagpahigayon ug costal ug beach resort monitoring kini aron mamentinar ang kahapsay ingon man aron usab masiguro ang kaluwasan, seguridad ug kasayon sa mga biyahedor, mangingisda ug mga pasahero.
Kalabot niini, ang PCG nagpahinumdom sa tanan nga luwas nga mobiyahe ug mosunod lamang sa maritime safety protocols ug makigtambayayong usab sa mga otoridad aron masiguro ang malinawon nga pag-obserbar sa Undas 2025.
Gani, sila nagpabiling lig-on sa pagtuman sa ilang katungdanan sa pagpanalipod sa mga kinabuhi ug pagpatunhay sa kahapsay sa mahinungdanong nasudnong okasyon pinaagi sa paggiya kanila sa diwa sa Malasakit, Serbisyo, at Kaligtasan.
Gi-awhag usab sa ahensya ang publiko nga magmatngon ug mag-inampingon ingon man sa adunay emergency concerns pwedeng mudangop sa ilang Malasakit Help Desk.
