Gipaambit sa komedyante ug aktres nga si Ai-Ai delas Alas, nga gikanselar niya ang petition sa green card sa iyang kanhing bana nga si Gerald Sibayan human sa ilang panagbuwag.
Sa interbyu kang Boy Abunda, ang komedyante nagkanayon nga kabahin kini sa iyang paagi sa pag-move on sa relasyon.
Matod ni Ai-Ai, bisan og nagduha-duha siya sa pagbawi sa petisyon sa una, nakahukom siya nga buhaton kini isip usa ka lakang alang sa iyang kaugalingon nga kaayohan ug dili sa pagpanimalos.
Gitug-an usab niya nga ang pagbawi sa green card dungan sa iyang pag-file og divorce, ug sa pagkakaron, wala na ubos sa iyang petisyon si Gerald.
Sa hisgutanan sa iyang personal nga pagkalimot, giangkon sa aktres nga naguol gihapon siya matag karon ug unya, apan anaa siya sa proseso sa pag-move on ug nagpabiling positibo sa kinabuhi.
Photo Courtesy to:Inquirer entertainment
