Gipahigayon niadtong Oktubre 28 ang 1st BANGKARERA TOURNAMENT didto sa kadagatan sa Purok Logpond, Barangay Luzon, Governor Generoso, Davao Oriental, diin mihatag ug security ug maritime safety assistance ang mga personahe sa Coast Guard Sub-Station Governor Generoso, uban sa Special operation unit (SOUDAVOR).
Ang nasampit nga kalihokan kalabot sa selebrasyon sa 34th Araw ng Barangay Luzon sa maong munisipyo, diin kini gipangunahan ni PO1 Ernesto Madriga Jr PCG, Sub-Station Commander.
Pinaagi sa ilang security assistance gisiguro sa team ang luwas ug hapsay nga pagpahigayon sa maritime sporting event pinaagi usab sa pagpadayon sa presensya ug pagpatuman sa gikinahanglan nga mga lakang sa kaluwasan sa lugar sa maong lumba.
Gipasiugdahan ang maong torneyo sa Barangay Kagawad ug aktibong gisuportahan sa Barangay Kapitan sa Luzon ingon man sa mga opisyal sa Barangay Council sa Barangay Luzon.
