Mapasigarbuhon nga nakasulod sa Top 10 Most Outstanding Sangguniang Kabataan Councils in the Philippines ang Sangguniang Kabataan (SK) sa Barangay Malandag, atol sa Philippine Sangguniang Kabataan Awards (PSKA) 2025, nga gipahigayon niadtong Oktubre 24 hangtod 27, 2025, sa Novotel Manila Araneta City, Quezon City.
Diin ang aktibidad dunay temang “Simula ng Bukas: The National Youth Futures Convergence,” asa ang kalihokan nagtigom ug talagsaong mga lider sa kabatan-onan ug mga institusyon sa kalamboan gikan sa tibuok nasod aron sa pag-ila sa kahusayan, kabag-ohan, ug pagpangulo sa pagdumala sa kabatan-onan.
Human sa higpit nga three-tier paper screening process, ang SK Malandag miabante sa National Grand Finals, diin sila miagi sa face-to-face interview ug evaluation sa upat ka bahin.
Gikan sa kapin sa 42,000 ka mga barangay sa tibuok nasod, ang SK Malandag migawas sa Top 30 Finalists, nga sa kataposan nakakuha ug pwesto sa Top 10 Most Outstanding SK Councils – Council Category, usa ka testamento sa ilang dedikasyon sa youth empowerment ug community development.
Photo Courtesy to:Malungon Information Office
