Gipanghimakak ni Ellen Adarna ang mga pasangil nga adunay kalabotan si Sarah Lahbati sa giingong panagbulag nila ni Derek Ramsay, atol sa exclusive interview ni Ogie Diaz.
Sumala sa report, adunay mga tinubdan nga nagsugyot nga ang problema sa magtiayon nagsugod sa usa ka real-estate transaction nga nagkantidad og P500 milyon nga nalambigit usab si Sarah.
Aron maputol ang ispekulasyon, nag-post si Ellen sa screenshot sa ilang WhatsApp chat ni Sarah sa iyang Instagram Story niadtong Oktubre 26, aron ipakita nga walay tinuod ang mga chismis.
Matud pa ni Ellen, “grabe ang remix stories” nga migawas tungod lamang kay wala niya gibutang ang apelyido ni Derek sa iyang profile. Giingon pa niya nga bisag unsa nalang ang giimbento sa uban, apan klaro nga walay third party sa ilang relasyon.
Photo courtesy to: PEP.ph
