Usa ka magnitude 6.1 nga linog ang misangko sa kasadpang bahin sa Turkey alas 10:48 sa gabii niadtong Domingo (oras sa Turkey), nga nabati usab sa dagkong siyudad sama sa Istanbul ug Izmir.
Sumala sa Turkey Disaster and Emergency Management Authority (AFAD), ang epicenter sa linog nahimutang sa probinsya sa Balıkesir, partikular sa lungsod sa Sindirgi, diin daghang mga balay ang nahugno tungod sa kusog sa pag-uyog.
Ang mga awtoridad nagpadayon sa ilang pagtimbang-timbang sa kadaot ug sa pagpangita ug pagluwas, aron masuta kung adunay mga namatay o nasamdan sa insidente.
Gipahibalo usab nga daghang aftershocks ang nabati sa kasadpang Turkey, hinungdan nga ang pipila ka mga residente mibakwit ug nagpangita ug luwas nga mga lugar.
Sumala sa lokal nga mga opisyal, ang mga emergency response team nagkuyog sa lokal nga gobyerno aron matubag ang mga panginahanglan sa mga apektadong pamilya. Walay gipagawas nga pasidaan sa tsunami human sa linog.
via: NBC
