Gibutyag ni Rachel Raval, Executive Secretary sa Local Economic Development and Investment Promotion (LEDIP) Office–Iligan, nga ipahigayon sa syudad ang usa ka dako nga kalihokan nga Go Negosyo karong umaabot Nobyembre 7 hangtod 8, 2025 sa Robinsons Place Atrium, Iligan City.
Sa eksklusibong pakighinabi sa Juander Radyo News Team, gipasabot ni Raval nga kini ang unang higayon nga madala sa Iligan ang Go Negosyo, nga kasagarang gipahigayon lamang sa mga dagkong siyudad.
Matud pa kini tungod sa partnership sa ilang opisina ug sa mga co-negosyo partners gikan pa sa Manila.
Matud pa, sa Nobyembre ipahigayon ang Negosyo, samtang sa Nobyembre 8 adunay 3 AIM on Wheels, diin mga speakers ug mentors gikan sa Manila, lokal nga negosyo, ug mga kasikbit nga siyudad ang mohatag og business talks ug mentorship sessions alang sa mga entrepreneurs ug gusto pa lang magsugod og negosyo.
Dugang ni Raval, dakong oportunidad kini alang sa mga Iliganon nga gustong makakat-on ug mosugod sa ilang kaugalingong negosyo, ilabi na kay personal silang makig-uban sa mga eksperto sa industriya.
