Gibaligya sa sikat nga gitarista nga si Eddie Van Halen ang electric guitar, sa subasta sa kantidad nga $2,734,000 o kapin sa Php150-M.
Sumala pa sa subasta sa Sotheby, kini ang unang Kramer nga gitara nga nahimo ug gipatugtog. Gitawag kini nga “Kramer Ad” gikan sa advertisement sa maong gitara.
Gimodelo kini human sa unang Frankenstein nga gitara ni Van Halen nga adunay kombinasyon sa itom, pula ug puti nga kolor.
Gihimo kini niadtong 1982 ug gigamit niya kini sa iyang mga live show niadtong 1982 ug 1983 sa mga nasod sa Argentina, Venezuela ug Brazil.
Gihataga ni Van Halen ang gitara sa iyang technician nga si Rudy Leiren nga adunay dedikasyon nga gisulat alang kaniya. Gibaligya ni Leiren ang gitara kang Mick Mars, ang gitarista sa Motley Crue.
Photo Courtesy to: Instagram
