Gibutyag sa komedyanteng si Ate Gay (Gil Morales sa tinuod nga kinabuhi) nga nahilis o migamay na ang usa ka kilo nga bukol sa iyang liog human sa iyang radiation treatment.
Kahibaloan, niadtong Septiyembre nga adunay Stage 4 cancer si Ate Gay ug gitan-aw sa mga doktor nga dili na siya makaabot sa tuig 2026 ug dili na maoperahan.
Apan pinaagi sa treatment sa Asian General and Medical Center, misanong ang iyang bukol ug nagsugod na sa pagkunhod. Gipakita sa programa nga Kapuso Mo, Jessica Soho ang seryoso nga kahimtang sa komedyante, hinungdan sa dakong pagbaha sa tabang ug suporta gikan sa publikolakip ang libre nga radiation ug chemotherapy.
Anaa sab ang naghatag kaniya og libreng puy-anan sa usa ka condo aron dili na siya magsagubang sa kalisod sa biyahe padulong ospital, ug padayon siyang nagtuo sa milagro nga naghatag kaniya og kusog ug paglaom.
Photo Courtesy to:Remate
