Gitubag ni Lie Reposposa ang patama: “Ang kalampusan, dili gikan sa akong uyab nga langyaw, gikan na sa akong paningkamot!”
Wala nagpadala sa mga intriga si Lie Reposposa, ang kanhing Pinoy Big Brother Otso housemate ug karon social media personality, nga maisogon nga gitubag ang mga netizens nga nangin-insulto kaniya online.
Sa usa ka Facebook post niadtong Oktubre 22, gipadayag ni Lie ang iyang pagbati human mikatap ang mga litrato nila sa iyang British fiancé nga si Paul Joshua Marsden. Ang uban, nagpasumbingay nga “ang mga Bisaya molambo ra kuno kung makauyab ug foreigner,” samtang “ang mga Tagalog kuno, maningkamot para mulambo.”
Giingon pa niya nga dili makatarungan nga himuan ug lain-lain nga istorya ang mga Bisaya base lang sa ilang relasyon o sa ilang kapikas. “Dili pasabot nga kung naay foreigner, kwarta dayon ang tuyo. Dili tanan parehas.”
Daghang mga fans ug kapwa Bisaya ang mipadayag ug suporta kang Lie, giingon nga inspirasyon kini sa mga kababayan nga gusto makab-ot ang ilang damgo sa maayong pamaagi.
Si Lie, nga karon nagpuyo sa United Kingdom uban sa iyang fiancé, nagpadayon gihapon sa pagtrabaho ug pagpangadyi para sa mas lig-on nga kaugmaon. Gipasalig niya nga bisan asa siya dal-on sa kinabuhi, magpakp bilin siyang mapinanggaon ug mapainubsanon.
