Laing makapadasig nga kalihokan ang gipahigayon sa Juander Radyo Loyalista Inc. sa lungsod sa Bayabas, Surigao del Sur, diin gipalapnag sa Juander Radyo Tandag News Team ang tumong sa kinasingkasing nga pagtinabangay alang sa mga kabus ug pamilya nga naunhan sa pagbiya sa ilang minahal sa kinabuhi.
Malipayon ang mga senior citizen human masabtan ang mensahe sa pagpanaghiusa ug pagtinabangay nga bisan sa gamay nga kontribusyon kon diin sa .10 sentimos, makatabang na sa pagpahupay sa kasakit sa mga pamilyang nag-antos sa kapait sa pagkawala sa ilang minahal sa kinabuhi.
Mapasalamaton usab ang Juander Radyo Tandag sa mainiton nga pagdawat sa mga katigulangan kinsa tinuoray nga misuporta ug mipakita sa espiritu sa pagka-Loyalista.
