Gitudlo ni Presidente Ferdinand R. Marcos, Jr. si Davao del Norte Governor Edwin I. Jubahib isip Chairperson sa Regional Development Council (RDC)- XI alang sa termino 2025-2028.
Sa opisyal nga Facebook Page niini, ang RDC-XI mipahalipay ug nag-abiabi sa pagkatudlo kang Jubahib niadtong Biyernes Oktubre 24, 2025.
Ang RDC-XI mao ang pinakataas nga policy-making body sa regional level, kinsa responsable sa pagkoordinar ug pagtakda sa direksyon alang sa tanang paningkamot sa socio-economic development sa rehiyon sa Davao.
Gilangkuban kini sa mga opisyal sa lokal nga kagamhanan ug regional heads sa mga ahensya sa nasudnong kagamhanan, uban sa mga Private Sector Representatives (PSRs), nga sagad nominado sa Non-Government Organizations (NGOs) ug Civil Society Organizations (CSOs).
