Gipanghinaot ni Jail Chief Inspector Male Dormitory Carmelo A. Corsame sa Bureau of Jail and Management Penology (BJMP) Iligan nga moduaw ang publiko, ilabi na kadtong adunay mga paryente o pamilya nga PDL, sa gitakda nga Family Day karong adlawa Sabado Oktobre 25 ug hangtod ugmang adlawa Domingo, Oktubre 26,2025.
Matod pa kini kabahin sa ilang mga kalihokan sa National Consciousness Week o NACOCOW 2025.Dugang ni Corsame, gikinahanglan lamang magdala og valid ID ang mga mobisita sa jail facility ug ibilin ang cellphone ug uban pang personal nga gamit aron dili malangan sa screening sa mga BJMP personnel.
Gidugang pa niya nga andamon ang kaugalingon sa body inspection, nga kabahin sa seguridad nga ipatuman aron masiguro ang kalinaw ug kahapsay sulod sa pasilidad.
