Mapalit na sa mga mag-uuma ug mananagat ang Benteng Bigas Meron na dinhi sa lalawigan sugod niadtong adlaw’ng Huwebes, Oktubre 23, 2025 sa may NFA Zamboanga del Sur building Barangay Tiguma, Pagadian City.
Matod ni Arcele P. Templa, Supervising Agriculturist sa Department of Agriculture-Agribusiness and Marketing Assistance Division (DA-AMAD) sa karon ang gihatagan ug pagtugot nga makapalit ang mga mag-uuma lang usa ug mga mananagat.
Sa unang roll out mamahimong mapalit sa mga benepisyaryo ang tig 10 kilos nga bugas sa usa ka higayon apan ang matag usa nga benepisyaryo gilimitahan lang nga makapalit ug 50 kilos nga bugas hangtud matapos ang pagbaligya sa bugas sa bulan sa Disyembre.
Target sa DA, FTI ug NFA sa unang roll-out mao ang mga Farmer’s and Fisherfolks nga rehistrado sa Registry System for Basic Sectors in Agriculture (RSBSA) ug ang makapresentar sa Intervention Monitoring Card (IMC).
Ang P20 Benteng Bigas Meron na usa flagship rice subsidy program ilawom sa administrasyon ni Pangulong Ferdinand Bong-bong Marcos Jr. tumong nga makahatag ug mga baratong bugas alang sa vulnerable sector sa Zamboanga Peninsula.
