Mokabat sa 71 units sa Patient Transport Vehicles (PTVs) gikan sa Philippine Charity Sweepstakes Office (PCSO) ang gipang-apod-apod ni Pangulong Ferdinand Marcos Jr., sa mga lokal nga kagamhanan sa rehiyon sa Caraga sa Butuan City Sports Complex, Oktubre 24, 2025.
Kahibaloan nga napang-apod-apod: Agusan del Norte (12), Dinagat Islands (7), Surigao del Norte (20), Surigao del Sur (19), Misamis Occidental (1), Davao Oriental (4), ug Davao de Oro (8).
Gitambongan kini nila Agusan del Norte Governor Maria Angelica Amante, nga mibutyag nga dako kaayo og tabang ang nadawat nga PTV aron mapaayo pa ang medikal nga serbisyo ug ang pagtubag sa mga pasyente nga kinahanglan dalhon sa hospital.
Labi na kadtong anaa sa mga hilit nga lugar ug limitado ang mga pasilidad medikal. Matod niini nga kabalo siya kung unsa ka importanti sa Health Care System ang maong Sakyanan.
Hangyo usab ni Presidente Marcos sa mga lokal nga panggamhanan nga ampingan ang mga ambulansya. Giklaro ni Marcos ang PCSO nga tangtangon na ang “palakasan system” sa pag-apod-apod sa mga ambulansya.
