Nadawat ni Governor Ann K. Hofer ang 15 ka yunit sa Samsung Galaxy A7 Lite Tablets gikan sa Department of Information and Communications Technology kon (DICT) nga opisyal nga giturn-over ni Regional Director Cheryl C. Ortega.
Ang mga nasampit nga Tablets ipang-apod-apod sa mga lumolupyo nga nagpuyo sa Geographically Isolated ug Disadvantaged Areas kon (GIDAs) aron matabangan nga ma-bridge ang digital ug healthcare gap sa probinsya.
Matud pa gi-install ang mga tablets sa MWell Telemedicine Platform nga nagtugot sa mga residente nga makakonsulta sa mga doktor pinaagi sa video call nga libre, aron makadawat ug diagnosis, tambag pang medikal, e-prescription, ug uban pang serbisyo medikal bisan pa walay doktor nga nagpuyo sa ilang lugar.
Nagpasalamat si Gov. Hofer kang RD Cheryl C. Ortega ug sa DICT Region IX sa padayon nga suporta alang sa mga inisyatibo nga nagpalambo sa Accessible ug Inclusive Healthcare para sa tanan nga Sibugaynon.
