Nagpahayag og kasuko ang aktres nga si Sunshine Cruz tungod sa nagkatag nga fake news nga naglambigit kaniya ug sa iyang pamilya sa social media. Sa usa ka Facebook post ning semanaha, iyang gipakita ang mga screenshot sa peke nga balita nga gihimo sa pipila ka troll accounts.
Matod pa ni Sunshine, dili tinuod ang mga gipakatap nga impormasyon ug kini usa lamang ka pagpakaulaw. Gidugang pa niya nga gipaabot na kini sa iyang legal team aron masuta ang maong mga page ug mapasakahan sa angay nga kaso.
Sa pagkakaron, nagpabilin nga klaro ang iyang baruganan batok sa pagpanglimbong ug pagpangdaot pinaagi sa fake news.
SOURCE: ABS CBN NETWORK
